BABU TALE AFUNGUKA JUU YA MAGUNGUMZO YANAYO ENDELEA NA KANYE WEST

Meneja wa Diamond Platnumz amedai kuwa siku msanii wake amekutana na Kanye West kwenye uwanja wa ndege wa kimataifa wa LAX, Marekani, hawakuishia kupiga picha tu.

Kwanza kutano lao kwa mujibu wa Tale lilikuwa la kama mzaha tu. Anadai kuwa wakati Diamond yupo kwenye uwanja huo alikuja mtu wakati yeye ameinama akimtaka apige picha viatu vyake

Diamond alishangaa kuona mtu huyo akichukua muda mrefu kupiga picha viatu vyake na alipoinuka kutaka kumuona, alipata mshtuko wa mwaka kumuona ni Yeezy.

Ofcourse lazima upagawe kidogo so baada ya Chibu kubaini kuwa amesimama mbele ya miongoni mwa rappers wenye ushawishi duniani, anadaiwa kumuimbisha sera mbili tatu kabla ya kupiga ile picha aliyoiweka Instagram.

“Tuombe Mungu, tumeweza kupata ukaribu na management yake, kila kitu kitawezekana, tupo kwenye mazungumzo ya katikati hayajafika mwisho,” Tale alikiambia kipindi cha The Playlist cha Times FM.